1. Om gehoorsaam te wees sodat jy seëninge kan ontvang; en 2. Wanneer jy ongehoorsaam is, hou dit straf en die gevolglike vloek en dood vir jou in.
Omdat die mens nooit die hele Wet kon gehoorsaam nie, was hy sondig en uitgelewer aan die gevolglike straf, vloek en dood. Al manier hoe die mens se sonde weggeneem kon word, was om die Wet in 'n geskrewe formaat te gee, sodat dit vervul (ten volle gehoorsaam) kon word. Jesus het nie gekom om die Wet te vernietig nie, maar om dit namens ons te gehoorsaam en so te vervul. Toe Adam gesondig het, was hy die verteenwoordiger van die mensdom en het hy die sisteem van sonde en dood tussen mens en God geïmplementeer. Jesus, as die tweede Adam en verteenwoordiger van die mensdom, het gekom om die Wet namens ons te vervul.
Wat Jesus vir ons gedoen het, is tweeledig:
1. Jesus het die hele Wet namens ons gehoorsaam sodat ons geseënd kan wees; en 2. Jesus het die strafgedeelte van ons sondes op Sy liggaam gedra en 'n vloek geword, sodat ons geregtig voor God kan wees.
